Ciidamada Xarakada Mujaahidiinta Al-Shabaab waxay habeenkii xalay qaadeen silsilado weeraro ah, kuwaasoo ka kala dhacay qaar kamid ah gobollada dhaca koonfurta Soomaaliya.
Weerar qarax ah ayaa ka dhacay bar kontorool oo ay ku sugnaayeen ciidamo katirsan maamulka Jubbaland, oo ku taalla degmada Baladxaawo ee gobolka Gedo.
Dhinac kale, Yacquub Xasan Good oo kamid ahaa ergadii soo xushey xubnaha maamulka labaxay Koonfur Galbeed, ayaa xalay lagu dilay xaafadda Luga-baxsi ee magaalada Baydhabo, xarunta gobolka Baay. Masuuliyadda dilkana waxaa sheegtay Xarakada Al-Shabaab.
Sidoo kale, ciidamada Xarakada Mujaahidiinta Al-Shabaab, waxay habeenkii xalay weerar culus ku qaadeen saldhig ciidamada Maamulka Koonfur Galbeed ku leeyihiin Suuqa Xoolaha ee degmada Qansaxdheere ee gobolka Baay.
Isla Baay, xerada ciidamada Maamulka Koonfur Galbeed ee deegaanka Goof-gaduud Buurrey, ayaa xalay lagu qaaday dagaal culus oo ka yimid dhanka ciidamada Xarakada Mujaahidiinta Al-Shabaab.
Saldhiga ciidamada maamulka Koonfur Galbeed ee degmada Waajid ee gobolka Bakool, ayaa xalay isagana waxaa weerar culus ku qaaday ciidamada Xarakada Mujaahidiinta Al-Shabaab.
Ugu dambeyntii, ciidamada Xarakada Mujaahidiinta Al-Shabaab, waxay xalay weerareen saldhigyada askarta Dowladda Federaalka ee xaafadaha Mukeyga iyo Haanta-dheer ee degmada Afgooye, gobolka Shabeellaha Hoose.
