Wararka ka imaanaya gobolka Mudug ee bartamaha Soomaaliya, ayaa ku waramaya in dagaallo culus ay dhexmareen ciidamada Xarakada Mujaahidiinta Al-Shabaab iyo kuwa Dowladda Federaalka.
Dagaalka ayaa ka dhacay deegaan lagu magacaabo Baraag Ismaaciil, oo dhaca duleedka degmada Xarardheere ee gobolka Mudug, waxaana jab lagu gaarsiiyay askarta Dowladda Federaalka.
War ay baahisay Idaacadda Andalus ee ku hadasha afka Xarakada Mujaahidiinta Al-Shabaab, ayaa lagu sheegay in dagaallada ka dhacay Mudug, ay ka dhasheen khasaare isuga jira dhimasho iyo dhaawac oo gaaray ciidamada Dowladda Federaalka.
