Wararka ka imaanaya gobolka Mudug ee bartamaha Soomaaliya, ayaa ku waramaya iney dheceen dagaallo culus oo dhexmaray ciidamada Xarakada Mujaahidiinta Al-Shabaab iyo askarta Dowladda Federaalka.
Dagaallo ka dhacay deegaanka Faarax Aadan ee duleedka magaalada Xarardheere ee gobolka Mudug, oo u dhexeeyay ciidamada Xarakada Mujaahidiinta Al-Shabaab iyo askarta Dowladda, ayaa waxaa la isku adeegsaday hubka noocyadiisa kala duwan.
Inta haatan la hubo, waxaa dagaalka lagu dhaawacay 7 askari oo katirsan ciidamada Dowladda Federaalka.
Maalmahan gobollada Galgaduud iyo Mudug, waxaa ka socday dagaallo culus oo dhexmaraya ciidamada Xarakada Mujaahidiinta Al-Shabaab iyo askarta Dowladda Federaalka, dagaalladaas oo khasaare ba’an lagu gaarsiiyay ciidamada Dowladda Federaalka.
